Бишкекдаги республика юқумли касалликлар клиникасида коронавирусга чалиниб ётган жамоат арбоби, қирғиз парламентининг собиқ спикери Муқар Чўлпўнбаев, 24 май куни вафот этган.
COVID-19га қарши Республика штаб маълумотига кўра, беморда коронавирус хасталиги сабаб икки тарафлама шамоллашнинг оғир тури, нафас олишнинг мураккабланиши ва яна бошқа бир қатор хасталиклари кучайиб кетган.
Қирғизистон парламентининг собиқ спикери, жамоат арбоби, 70 ёшдаги Муқар Чўлпўнбаевга коронавирус юқиб, 5 майда шифохонага ётқизилган. У ўша куни жонлантириш бўлимига ўтқазилиб, оғир аҳволда қолаётган эди.
Қирғизистонда 24 май куни тожливирус инфекциясини юқтириб олганларнинг умумий сони 1403тага етган.
